8 март бәйрәме уңаеннан, авыл Мәдәният йортында "Яшь киленнәр" бәйгесе узды. Бәйгедә мәктәптән Мостафина Алинә катнашты. Аның авыл Мәдәният йорты сәхнәсенә беренче чыгуы булуга карамастан, ул сынатмады, уңышлы чыгыш ясады. Бәйрәмдә профсоюз комитеты членнары Шамил Борханов, Миләүшә Мостафина, Фирая Валишиналар чыгыш ясадылар. Мәктәпнең укучылар бию коллективы хатын-кызларны дәртле биюләре белән котлады. Иҗади дуслык дәвам итә. 

Бөтендөнья җәмәгатьчелеге һәм мөселман дөньясы 2018 елның гыйнварында татар дин галиме, фәлсәфәче, тарихчы, мәгърифәтче, этнограф, археограф, көнчыгыш белгече һәм педагог Шиһабетдин Мәрҗанинең 200-еллыгын билгеләп үтәчәк. Әлеге истәлекле дата уңаеннан, бүген Арча районында тантаналы рәвештә берьюлы өч мәдәни-рухи үзәк ачылды. Объектларның барысы да “Таттелеком” компаниясе башлангычы белән төзелә. 

Тантаналы чаралар Арча районының Ташкичү авылында Ш.Мәрҗани музее, әлеге күренекле мәгърифәтчегә багышланган комплекс һәм аның исеме белән аталган Мәрҗани чишмәсе ачылышыннан башланды.

Вакыйгаларның кульминациясе – тантаналы төстә Арча районы Симетбаш авылында яңа мәчет ачылу. Бүген биредә беренче ... Тулырак мәгълүмат»

     Арча муниципаль районы хакимияте, "Казан арты" тарих-этнографик музее 2017 нче елның 29 ноябрендә Ш.Мәрҗанинең 200 еллыгы уңаеннан автомарафон оештырды. Марафонның беренче тукталышы Ташкичү авылында булды. Ташкичү авылы атаклы галим Ш.Мәрҗани, язучы М.Галәү исемнәре белән данлыклы.  Марафонда катнашучыларны Ташкичү төп мәктәбендә Ш.Мәрҗани музеенда каршы алдылар. 7 класс укучысы Гараев Әсхат, тарих укытучысы Р.Р.Хакимзянова Ш.Мәрҗани музее белән таныштырдылар. Татар теле һәм әдәбияты укытучысы А.Т.Ахмадуллина марафонда катнашучыларны М.Галәү истәлегенә оештырылган стенд белән таныштырды, иҗаты, фаҗигале язмышы турында сөйләде.

Мәшһүр татар мәгърифәтчесе, фәлсәфәчесе, тарихчысы, дин әһеле, педагог, археолог, этнограф, көнчыгыш халыклар белгече Шиһабетдин Мәрҗанинең әти-әнисе кабер ташы табигый рәвештә җимерелеп, уалып бара. Арча районы Ташкичү авылы зиратында аларның икесенә бер кабер ташы куелган. Бу хакта “Татар-Ислам” мәгълүмат агентлыгы хәбәрчесенә Ш.Мәрҗани исемендәге Тарих институты өлкән фәнни хезмәткәре, филология фәннәре кандидаты Айдар Гайнетдинов хәбәр итте.

“Өлешчә җимерелгәнгә күрә, кабер ташының текстына да зыян килгән. Без бу таш тиз арада реставрацияләнергә тиеш дип саныйбыз”, - ди галим.

Шиһабетдиннең әтисе Баһаветдин Мәрҗани заманы өчен алдынгы карашлы һәм төпле белемл ... Тулырак мәгълүмат»

Бүген Арчада укытучыларның август киңәшмәсе уза. Аның эшендә ТР мәгариф һәм фән министры Энгель Фәттахов та катнаша. Ул эш сәфәрен  Ташкичү мәктәбе белән танышудан башлады. Район башлыгы Илшат Нуриев,  «Таттелеком» җәмгыяте җитәкчесе Лотфулла Шәфигуллин белән бергәләп алар биредә элемтәчеләр ярдәмендә төзелгән Мәрҗани һәм М Галәү һәйкәлләренә чәчәкләр салдылар,бөек мәгърифәтче музеенда булдылар.Кунаклар быел мәктәпкә керүче биш сабыйны сөендереп аларга уку кирәк-яраклары тутырылган букчалар  да тапшырдылар. Министр мәктәпнең яңа уку елына әзерлегенә югары бәя бирде һәм коллективны якынлашып килүче Белем бәйрәме белән тәбрикләп уңышлар теләде.

arskmedia.ru

Бөтендөнья татар конгрессы VI корылтаенда катнашучы милләттәшләребез бөек татар мәгърифәтчесе Шиһабетдин Мәрҗани һәм язучы Мәхмүт Галәү исемнәре белән бәйле Арча районының Ташкичү авылына сәяхәт кылдылар.

Биредә алар күренекле шәхесләребез эшләгән һәм белем алган мәдрәсәнең данын яклап килүче Ташкичү төп гомумбелем мәктәбендә булдылар. Кунаклар мәктәп ишегалдында быел гына әлеге бөек якташларыбызга куелган һәйкәлләргә беренче булып чәчәкләр салдылар, май аенда гына сафка баскан Шиһабетдин Мәрҗани музееның беренче кунаклары булдылар. Музей һәм һәйкәлләр “Таттелеком” ачык акционерлык җәмгыяте һәм милли рухлы башка иганәчеләр ярдәме белән төзелгән. Шулай ук делегетлар авыл тарихы музее, мәктәп һәм балалар бакчасы бинасы  белән дә таныштылар.

... Тулырак мәгълүмат»

Туган җирем, тыныч булсын күгең,
Якты булсын туар таңнарың.
Һәр көнеңне каршыласаң иде,
Өмет белән тулы җаннарың.

Наилә Рәхмәтуллина

Ташкичү авылына 300 ел тулу уңаеннан уздырылган "Ямьле авылым кичләре"дип исемләнгән авыл бәйрәме

Авылларда милли бәйрәм
Сабан туе — тантана!
Кыр батырлары хезмәте
Сабантуйда мактала!

Җырга, биюгә бик оста
Гомердән безнең халык.
Йотлыгып тыңлый кунаклар
Моңнарны хәйран калып.

Роберт Шаймарданов

       Гомер китабымның битләрендә

       Хатирәләремне барларсыз.

       Кеше китә, җыры кала, диләр,

       Истәлегем итеп сакларсыз.

Кеше гомере чикле, бу дөньяга берәү дә мәңгелеккә килмәгән. Үзем исән чакта балаларыма, туганнарыма, мине белгән якыннарыма истәлек итеп калдырырга телим. Буыннар чылбыры өзелмәсен, тарихи вакыйгалар, үткәннәр онытылмасын иде.

        Рузалия Насибуллина (Рузалия Ибраһим)

Тап төшермәгез беркайчан

Авылым исеменә.

Таш киссәк тә, тау кичсәктә,

Кайтырбыз Ташкичүгә.

Фаяз Ибраһимов

    Ташкичү Мәдәнят йортында 20 нче май көнне зур тантана булды. Тантана Ташкичү авылында туып үскән, белем алган, "Бәкер" шифаханәсенең баш врачы Фаяз Ибраһим улы Ибраһимовны искә алуга багышланган иде. Кичәгә Фаяз абыйның тормыш иптәше, балалары, хезмәттәшләре кайтты. Фаяз абыйның яшьлек дуслары, классташл ... Тулырак мәгълүмат»