Бүген Ташкичү мәктәбендә республика күләмендә "Шиһабетдин Мәрҗани укулары" булды. Әлегә укуларда Татарстанның төрле почмакларыннан килгән укучылар көч сынашты. Казаннан зур кунаклар кайтты. Әлеге фәнни чарада Татарстан мәгариф һәм фән министрлыгының милли үсеш бүлеге җитәкчесе Илдар Халиков, Татарстанның Г. Ибраһимов исемендәге тел, әдәбият һәм сәнгать институтының фәнни хезмәткәре, профессор Фәрит Яхин, КФУның милли мәгариф лабораториясе мөдире Рәсимә Шәмсетдинова, “Таттелекком” акционерлык җәмгыятенең матбугат бүлеге җитәкчесе, шагыйрь Рөстәм Закуан, Шиһабетдин Мәрҗани оныкчыклары, туганнары, музей хезмәткәрләр, журналистлар катнашты. Район мәгариф идарәсе җитәкчесе Алмаз Ибраһимов Шиһабетдин Мәрҗани укуларын башлап җибәрде. Мәктәп укучылары, укытучылар 5 секциядә эшләде. Мәртәбәле жюри мәктәп укучыларының фәнни эшләрен тыңлады. Йомгаклау өлеше, бүләкләүләр Ташкичү мәдәният йортында булды. Ташкичү мәктәбеннән Галиев Рәсүл - 1 урын (җитәкчесе - Галиева М.М.) , Гәрәев Әсхәт - 1 урын (җитәкчесе - Вафина Ә.А.), Нурмөхәммәтов Илсаф - 2 урын (җитәкчесе - Фәттерова Р.И.) алдылар. Җиңүчеләр Татарстан Республикасы фән һәм мәгариф министрлыгының Дипломы һәм кыйммәтле бүләкләр белән бүләкләнделәр.